ملــــــتقي أبناء جــــدو بنيالا
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 كلمات اغاني عقدالجلاد

اذهب الى الأسفل 
كاتب الموضوعرسالة
ابوالسمؤال
Admin
avatar

المساهمات : 46
تاريخ التسجيل : 24/01/2013
العمر : 28
الموقع : مدير عــــام

مُساهمةموضوع: كلمات اغاني عقدالجلاد   الخميس يناير 31, 2013 4:03 pm


صباح الخير
كلمات الشاعر
محجوب شريف
ألحان
شمت محمد نور
الأغنية إهداء من الشاعر إلى
زوجته
صباح الخير مساء النور يا ست البيت
وست المكتب الفاتح على الجمهور
ختم الدولة جنبك هيبة قط لم تقبلى المصرور
حلال وبلال عليك يا أم مرتب يالتعب ممهور
وساعة رضاعة أجمل من سياحة شهور
النوم النوم نوم وتعال
اخر من تنومى وتقومى دقش بدرى قبل الشمس
ما تترك سرير النوم ويغادر عشتو العصفور
تحرسيها اللبينة تفور
تسوى الشاى يا ألاهى يا ألاهى كم من سندوتش فطور
للمتحنة والبهاتى جارى يحصل الطابور
وبرضو وراك مستنيك هم دفتر غياب وحضور
لفحنا العمة وخليناك بين الحلة والماسورة
رتبتى القميص والطرحة حفظتى النشيج والسورة
ولتعب البخلى الصورة فى عينك أجمل صورة
ديك الحجلة وداك البلى ياما تشترى ياما تبلى
ما بتكلى ما بتملى ما بنقص حنانك مللى
هل هذا عمل مأجور
ممرضة سسترة ودكتورة
توب السهرة ابيض ناصع بين الضاير نور
مدرسة حيث مدرستك
حنانك سور
كراريس الصبا الباكر تذاكر نحو بكرة مرور
سلاما عمتى الفراشة
المقشاشة جنبك كم بشوفة زهور
بت الشدة والوردية والكنة التى ليلا ونهار تدور
تحت الشمس فى الحواشة
بين الحبة والزرزور
كليلك كليلك جمبك الكمبيوتر تكية
صبح الشاشة ياخد من عيونك نور
بين الكادحين وغلابة والعزابة
ست الكسرة أحب القرقريبة
القرقريبة .. القرقريبة قريبة فى أيدك فراشة تدور
والهبابة والعرق البنقط داك ذى قمرية فوق السور
تغازل فى الضحى النقاع
عشة وميرى مدرسة الحياة المعمورة
لا كراس ولا سبورة لا تقرير سمح رقاقى لا دبورة
تحيى تعيشى لا مقهورة لامنهورة
لا خاطر جناك مكسور بل مستورة
يا ذات الضرا المستور
سلاما يا غزالات العمل والبيت ملاياتك ضفاف النيل
احب واديك فى هذا الحوش
أحب الشاى مع القرقوش
احب المستك الفواح
اهيم فى غمرة النعناع
بن ومدق وجمرو تسخن الايقاع
سلاماً يا نساء الارض قاطبة فى كل مكان


سوداني جد
سوداني جد سلام علي
لو شفتو مرة تحس بي
سوداني جد في كل شي
في قعدتو وقومتو ومشي
في ضحكتو في نبرتو وقولت كدي
سوداني في البيت الكبير
ديوان مفرش بالحرير
تلقاه في التلت الاخير
من الكرم تبرق عيني
سوداني بالسيف السنين
سوداني في صبر السنين
والله يوم الحق يبين
الروح يمين بتهون على
سوداني في الراي والفهم
سوداني في لا لا ونعم
عز الرخا وعز العدم
ما بغير الحال العلي
سوداني من ما قام ولد
ما خوفوه بي أُخ شرد
بعز بنات كل البلد والمتلو قط ما اتولد
سوداني في عشق الارض
سوداني في ستر العرض
سوداني بالطول والعرض
في عزتو وحفظ الفرض


احتاج دوزنه
أحتاجُ دوزنة وتراً جديداً
لا ُيضيف إلى النشيدِ سوا النشـــــاز
لغةً تُفتشُ عن أراضٍ خِصبةٍ
شمساً تُغير طعم فاكهةِ الشتاء
أحتاجُ مِفرزةً من الشعراءِ و الجوعى
لنُعلن سُخطنا أو ننتهي منا باغنيةٍ تذاع
بالشهداء
بالفقراء
بطفلنا الآتي
بكوم اللاجِئين
بالداعين في الصلوات
هتـــــتفنا ما سمعتم
ثم هاجرنا انصرفتم
يا بحراً تجاوز في سكونِهِ كل حد
يا بحر قم..حرِك تحرك
أو فعُد نحو ابتلائك فالنهايات القديمة لا تُحد
ألفُظ جحيمك
أو فغادر ساحليك إلى الأبد
تابعوا من شئتمُ أو طاوعوا من خفتمُ
فالزاحفون إلى الفجيعة أنتمُ
فقط إفهمـــــــــــــوا
أن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم مِن رِجال
يا بحر قم..حرِك تحرك
أو فعُد نحو ابتلائك فالنهايات القديمة لاتــحـــــــــــــــــــــــــــــــــــ ــــــد



لي وين و كيف لمتـــــــــــين
لي وين وكيف لمتين
يا ضحكة ضاعت وين
يا حزن يا مرتاح
بين الدموع و العين
تعبت معاك الروح
والليل حشد سهروا
شباك حلم مقفول
حرس المسافة يطول
للفاتو ما رجعوا
يا سكة لبيـتنا
يا عتمة يا مشوار
يا شارع الحِـلة
ماضاعت الذكرى
للغابو و الحضرو
يا قمري يا قمرا
يا سنسنة و حمرا
بسأل عن الأفراح
و الخاطر المرتاح
عن دنيا فيها السماح
عن الصباح الراح
لا ضو و لا أثرو
علِمنا يا مسكين
ورينا عايش كيف
دي الريح وقول الزيف
بيشتتوا المطرة
والفكرة قولة الحق
مكتوفة مُكتسرة
الخطوة نحوِك كيف
والسكة دي خطرة
أطفالنا و الأُمات
آمالنا و أحلامنا
الهسة والجايات
طوالي في وكرة
لكن دا كلو يهون
مهما الصباح مرهون
والفرحة محتكرة
البذرة مهما يكون
حتبقى يوم شجرة


صداح
يامحبوبي
هاك مني مكتوبي
صداح الغني المكتوم
مداح الجمال والنوم
كلمة حب
في قلب حبيبي
وقليب حبيبي من توبي
توشوش جوه قلب النيل
مع اللهفه العلي ولدي
يامعشوقي
ليك من شوقي كل الشوق
فيالخرطوم
اذا نامت عليك عيون
تشوف الضلمه في الضحى
والنهار مخنوق
ولو غنيتي والغنا للسلام مخلوق
اعرفي انك
الزمن اللجاي شروق
فيا الخرطول عيو ن الحق مابتنوم
اعرفي انك الزمن اللجاي شروق واعرفي انك الزمن الحبيبو حنون



خلصنا الليل
كل مانقول خلصنا الليل
يطلع باكر ليلا" أطــول
كل مانقول كملنا الشيل
تطلع شيلة باكر أتقل
بس نتحمل ونصبر ونأمل
انو الجاى صباحا" أجمل
لكــــــــــــــن كيـــــــــف
وطعم الريد الفينا اتحول
مرة تشيلك فــــــوق الفوق
مرات تملاك فاقه وضيق
تلقى الدنيا تلم في هموما
تفتح جرحك وأنت تضوق
انسي واقول مامنها مـــــنى
دايما بحلم وانأ ممحـــــوق
قلنا كنير الشارع بقصــــر
لما نصــــبر نحنا نــكــون
لما الزول في يوم يتعـــتر
بكـــره القاسو الشافو يهون
وبكره بنمشي ألخطوه الأولي
التانيه
التالته
الرابعة
الخامسة
فــــــــــــــــــــــــــــــــــــــجــــــــــــــــــــــــــــــــــــــــــــــــــأة
نلقي الشارع قسي وأتحجر
نلقي الحلم الفينا أتكـــــــسر
ويبــــــــقى الـــــــــــــزول
مسجون مجــــــنون مغبون
بالــــــــــــهم مسكـــــــون
منحوس ويكوس ويـــكوس
هسه دا شارع ماشى لي وين
لينه عليه سنين وسنين
نمشى كأننا ما ماشين نفتح
سكه نسد اتنين
هوى يا شارع ماشى لي وين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abnajidow.7olm.org
 
كلمات اغاني عقدالجلاد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي ابناء جدو  :: الفئة الأولى :: مـــــجلة القبيلة-
انتقل الى: