ملــــــتقي أبناء جــــدو بنيالا
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 مكتبة كلمات خليل فرح

اذهب الى الأسفل 
كاتب الموضوعرسالة
ابوالسمؤال
Admin
avatar

المساهمات : 46
تاريخ التسجيل : 24/01/2013
العمر : 28
الموقع : مدير عــــام

مُساهمةموضوع: مكتبة كلمات خليل فرح   الخميس يناير 31, 2013 4:42 pm

خمرية
دنِّك دمه سايل أظنه مات مفلوق
عبَّق طيبه فاح عسَّف ملانا خلوق
ملوك في دارنا نحن وبره مانا خلوق
نفوسنا نفوس ملايكة ما بتستجير مخلوق
دِر يا ساقي دُون نُدماك علي مطبوق
وصهلِل يا نديم واسمعني مما يروق
زِيم شادي زِيم شنِّف مسامع السوق
وانشد في معاني البابلية وسوق
دع ما قالوا مالك فيها وابن دسوق
كُروم بابل قبيل ساقيتنا ليها تسوق
حاشاك والله لولا حسنك المعشوق
والطرف الغرير ما كان لذيذ ومشوق
كاسَك من سلافة خدك المعشوق
ونغمك من لدانة قدك الممشوق
طفَحْت الكاس تطاير ذي تبر مسحوق
رُقت وراقوا نُدمايَ ورقى الراووق
صافية ورايقة طاب مزجك صبوح وغبوق
ولّه غِبيت أنا ونظرة نديم وعشوق
صفار تبر البراتِي المن صفاك مسروق
مزجت أخلاقي بيهو يذوب ويحلى وأروق
لليل إنْتلَت وفزع النجم مفروق
وانحدرت كواكبه تقول قطن مطروق
وقت الليل برد منه الصبح ملحوق
حياه غير نديم واقعة سيوف ودروق


طويل يا ليل سهادك وياما حكمك جاير
ومين حاس بيك براي لهفان مقُوتي سجاير
شوق أمرو مفهوم ونحن بينا هجاير
وخالي البال حِداك ما ببقى ليك أخو جاير
أصَنقع ليلي كله الغيم أحسبه جزاير
والليل بي نجومو نخل غزير شال ناير
أدور أبلغ مناي ساكت طماحة فاير
وبيني وبينك الحجر البشُتر الطاير
طول يا ليلي طول يا مجنّح النوم طاير
وماني الأحمق الحلمان فطوره فطاير
طاوي حشاي وعرقي ينز تقول دم تاير
وساعي ولاقي ميمون الركاب و الطاير
نجومك والله يا ليل جيش مِعبي وغايِر
وعشمان متلي يا ليل ولَّه ساكت غاير
طويل ومسيخ مِعتم لاك مريح لاك غاير
أضاير في همومك ويمشي جرحك غاير
في حبك زمن أنا والزمان نتغَاير
أتْكتَّم وخايف ودمعي بيه اتساير
أبلغ عبرة عبرة أتينة ألقى مُضاير
لامن يا أم خدود فتق الضلع واتطايَر


طير الودي
يا طير الوِدي نزَّاح تسابق الشاردة
بتجوب الفضا وتثكل ثكيل الفارده
نياتك سلام ما حارة عينك بارده
ميال للطبيعة والهبيبة البارده
أنيس الرياض ما بتخفى عنك شارده
ويكيِّف غريدك زي دموع الحارده
جفّال من حبايبك وما بتشيقك عارده
والنيل بيك تآنس والصحاري الجارده
قول لي ما وراءك يا عصام بالواحدة
عاطفتك كريمة وبالخبير ما جاحدة
لا زال النخيل في توتي مادي الشاحده
وشمبات لسه ترفل في نعيمة وجاحده
كنانة آمون مشغولة قايدة وشايدة
من ولدانه بي تلك القصور الشايدة
هديك الفلايك وديك (لوتس) و(عاندة)
وداك عاشق مدلل وديك حبيبة معاندة
ناس الأم حنان وإن مني متعوا الرايده
ما حسبو لي أنا وما أظنوا فيَ الفايده
زينتي وشينني عاد إياها فوقن عايده
والأيام ظروف صايدة وتكون ما صايده



فتق ملأ الظل الوريف


فتق ملأ الظل الوريف في الحفلة نوارة الخريف
شال نومي محيه الظريف
ما بنسى في الجمع اللفيف الحشمة والطبع العفيف
و الروقة في دور الخفيف وتقلب الدرعه ام سفيف
ما بنسى و المجمع حفل في الدارة مكلوفة اب نفل
م ابنسى حين وقل جفل في قلبي وسواس االحفل


السيرة مرقت يا نديم والنور سطع غطى الاديم
تتهبع ام ديسا رديم يا عبده طريتنا القديم


فارقنا هاتيك الربوع وبقينا في دور السبوع
و السيرة بتسوي الهبوع يا السمحة خسرت الطبوع


بي عودة يا يوم الخميس محفوفة بالبان المسيس
الفي القلوب منك غميس مازلت للعشاق خميس
بندرنا زي الطير خفاف وصبحنا ضحوية الزفاف
عند الضهر جنك خفاف يتقدلن فوق العفاف
عاجبني يابا الدابو تب الليلة ما جاز العتب
ما بعرف اللوم والعتب نور قلبه في محيه انكتب
الشوفته ضوقني العتب خلاني بس يابس حطب
من عايله ادور قطب تحت المقل حلب الرطب


الساده فوق خده الحِمام جات راقصة زي فرخ الحمام
كالزهرة في الاكمام تمام والخد تحت صفض الزمام


وقفت مثل عود الاراك كل من حضر قطع الحراك
يا قلبي لا تعاين وراك لابد من لحظه الفراك


اتجمعن مثل الخمر فاح طيبن عبق الثمر
نور الخدود نور غمر اوهمني في طلوع القمر



فلـق الصبـاح

شعر و غناء : خليل فرح



فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل
شجـر الرمـان مايل

السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
انـزل انـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار


لمّ خيل الضل على الاريل
لمّ خيل الضل على الاريل في مشارعه الصيد ورد قيل
القنيص حين شافن اتخيل جرى دمعه ودمه ساح سيّل
انتفض قلبه وخفق ميّل فوق جروح الليل برك شّيل
طلعن كالانجم الزهر واقبلن كاموج في النهر
في ثياب العفة والطهر وجمال الماء و الزهر
الجمال اتجلى في شفوفه كله شايل الحنة في كفوفه
جلسن والبهرة في صفوفه كالحرير والوانه ورفوفه
حلل الافراح بدت تبهر كدى وانواره الخدود تبهر
البساط الاحمدي الازهر كله در متخفي او جوهر
حفلن قلنا السما اتجلى والنجم بتضارى في الحلة
كالجناين تلقى كل حُلّة فيها ورد و نرجسة و فلة
فيهن السلسال شفا العلة فيهن العلة ودوا العلة
كلهن متلثمات الاّ من لحاظن ارحم الجُلّة
الكنار صاح والغصون مالت والرياح صنت عقب شالت
العقود فوق الصدور جالت والعيون زي السيوف صالت
الرأيته شفى القلب طيّب والسمعته وفاتني فاح طيِّب
زيدني خليت قلبي نا عطيِّب والله طيِّب قلنا يا الطيب


ماهو عارف قدمه المفارق
يا محط آمالي السلام
*******
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
*******
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
*******
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
*******
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
*******
يا بلادي كم فيك حاذق
غير الهك ما أم رازق
من شعاره دمعقولة بس المأزق
يتفاني وشرفك تمام
*******
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
*******
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
*******
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
*******
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
*******
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
*******
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
*******
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
نحن ما مجينا الخصام
*******
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
*******
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
*******
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام




ميل وعرض كتـر أمراضى*********** بى هـواكم والهـوان راضـى
جن ليلى وهاجت أعـراضى********* سَحَّ دمعى وطـاشت أغـراضى
هذا بعض البى عدا أمراضى ********وإنت دارى وغاضى ماك راضى
لسّه تـايه فى الدلال ماضى*********** هل تنـاسيت عهدنـا المــاضى
فى صحيفة قلبى كم ماضى*********** ماضـى خـاتم لحظـك الماضى
جسمى ومن زمان قاضى ***********ها هـو حبــك بين أنقــاضى
هدى روعك أوعك لا تقاضى*********** ما بشـارعك ما بكـوس قــاضى
المضلل رشدى يـا هـادى*********** والمكتِّـر فى الغضــا سهــادى
الجبين الفى الظلام هــادى************* والقـــوام السيــده متهــادى
يا حبيبـى فيــم تهديـدك **********طول عذابى وهجــرى ما بفيدك
روحى فى ايديك وحاة ريدك*********** امتى ضـاعت يا سـلامة أيـدك



هبت نسايم الصيف عشا

طلع البدر جاني الرشا

ضامر كفرع البان حشا

هبت نسايم الصيف عِشا

النايم صِحى وطِيبك وشا

يا تحفة الشام واليمن

لاموني فيكي بلا تمن

أصحاب كما شاء الزمن

للناس قلوب لكن عِمن

عينيَ أبن لا يغمـــضن

لمحن بروقا أو مضــن

تال الحبيب لي أمرضن

أشواق لويلاتا مضن

أيام سُرور قوام مضن

يا أخويا ما بتعوضن

من الحبيب لي عرضن

بعد الشفا لي أمرضن





هجرك يا سعاد مرر علينا حلانا
بي مرواد مكاحيل السهر كاحلانا
من سجنك متى يكون الغرام حلانا
نسعى لك لهافى وتخصبي المحلانا
لو جاد الزمان وانصفنا يا الواحلانا
وادّاك البعض من نارك الناحلانا
وحل فؤادك الشوق متل ما حلانا
لا تعادل هوانا وكنا ما أحلانا
يا أم جسما حرير قلبك حديد ما لان
كل يوم بي جيوشك غايرة متكاملانا
بي أصعب قوانين الهوى معاملانا
رفقا يا ام خدود أُسراك طال هملانا
بي صخرة رحى الوله الكتير طاحنانا
يا أم قلبا قسى وما فيهو لينا حنانه
جار هجرك علينا واعتراضه عنانا
دايما بي مفاجأة الدموع ماحنانا
تبكي عليك لهافى وفي ولاكِ ولانا
حكِّمي فينا راحتك نحن شن معنانا
جرينا مع الزمن ولعبنا دور برزانا
واتشفعن بيهن وما وجدنا مزانا
إن سمح الحبيب ضلّ الزمن وخزانا
وإن سمح الزمن ضن الحبيب وأذانا
غمام ريدك هطل روى الصخور معانا
بروق آمالنا شالت قبلة في لمعانا
كفاك يا عازل المشتاق كفاك أرعانا
ما رضينا الهوان إلا الدعانا دعانا
خور القبلة فوق للحلة فوق كثبانا
يا بانة حصيف بِنْعم صباحك بانه
كان الحظ مِساعد حيثْ هواك سبانا
طاب وارف ظلالك وكان رباك ربانا
فتكت في سويدَ أنا السنينة سنانا
بي محياها والمايق اللطيف وبنانا
نافرة ومن حبيبة تملي جاذبة عنانا
تتنفل علي الدُر بي فلج أسنانا
أشواقك حشت طبق الفؤاد شاحنانا
وإنتي تملي بي بهلة دموع ماحنانا
في الحلفاية لطفك يا كريم أرعانا
من صيد حفلة لقت القلوب روعانا
صابنا الإنبهال وأفكارنا ماها معانا
ملت العين وفاضت تبكي بي دمعانا
إنجمعن بناتا كالبدور لمعانا
زي فرسان أحد أرماحا يوت طاعنانا
يات من تبقى لي كتل النفوس طمعانا
متنا وفي الأهل ما لقينا زول ينعانا
رحماك ربي أنهكت الليالي قوانا
وإعتلّت جسومنا وصار هوانا هوانا
مخير ربي في صورك جميع ألوانا
خلقة جسوم حرير إلا القلوب صوّانا




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://abnajidow.7olm.org
 
مكتبة كلمات خليل فرح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي ابناء جدو  :: الفئة الأولى :: مـــــجلة القبيلة-
انتقل الى: